庆基's profileChow's SpacePhotosBlogListsMore  |  Tools Help |
Chow's Space无所事是 |
|||||
|
July 22 离别……不知不觉已经成两个月都无更新过
从海南翻黎，一直都好忙好忙，亦都发生咗好多事，黎唔切好好咁梳理
前一个月仲系不分日夜咁赶论文，怪就怪之前偷懒太多，程序、论文掂都未掂过……所以最尾个月咪做到只J咁咯……话系话不分日夜，其实不过系日头训教，夜晚开工咁……一直有种观点，夜晚噶创作灵感特别好，所以好中意将D紧要噶野摆系夜晚做～～～～真bt
之后噶一个月，系不断噶收拾……食饭……醉。
好多野系你身处其中，又或者习以为常噶时候，系一D感觉都无噶
直到你就快失去，甚至夫已经失去噶时候，你先知道佢系你心目中系几咁重要
正如收拾噶最后几日，当我习惯性咁上群度揾人食饭（自从大四开始，就习惯咗每次食饭都要叫埋一班人），但系发现个群度已经空空如也，先记得其实好多人都已经走咗，心会觉得好酸…………
睇住每一个乱七八糟噶宿舍，以前大家一齐吹水、打机、甚至夫系走廊度踢波噶情景会一幕又一幕咁浮现眼前，但系呢D日子已经不再复反
当我送mj去坐车噶时候，睇住火车缓缓咁启动，车轮发出嘶哑噶声音，就好似钝刀界系自己个心所发出噶声音咁，眼泪忍唔住流咗出黎，甚至好耐都讲唔出话…………
或者系心情噶问题，于是最后噶几晚，大家选择咗疯狂咁饮酒
就系学校门口噶饭馆，继一、二晚噶58、51支之后，第三晚我地终于饮咗99支，而我自己亦都如愿以偿咁醉咗，而且醉得好彻底，甚至夫边个扶我翻去噶都要第二日问人先清楚
四年落黎，到最后先发现唔想毕业，唔想同一班咁好噶朋友分开
但系呢D毕竟唔系可以由我话事～～～～
幸好大部分噶朋友都继续留系广州，或者广州附近，以后噶联系都好方便
虽然系咁但系分别噶时候都会不免难过
本来我就系一个不善言词噶人，更加系一个不善于表达自己噶人
可以做噶就系希望各位好朋友一路走好
而且正如我当时所讲噶，兄弟是一辈子的 May 19 Special thx to……平淡之中迎黎咗23岁大寿，原本会以为都无乜机会系今日写翻D野（msn已经大半个月都登陆唔到……）
养到咁大个仔，其实真系唔容易～～～首先多谢阿爸阿妈，因为话时话真系食咗佢地唔少米饭，如果佢地唔洗养我，相信生活会比而家好好多@@。跟住系一般陪住我，睇住我大，睇住我坏嘎fds（排名不分先后）：梁炳～～虽然佢有好多个名，但系都系觉得呢个最亲切，好兄弟！；健～～又一个好兄弟，不过我中意叫佢衰仔！；政～～再一个好兄弟，不过成日俾人话我同佢断×，真系唔明！同呢三个人讲野完全唔洗用脑，所以摆系最前@@ 轮到女士：人妖～～唔知点解叫人妖，但系好好倾；雪～～同佢相处会觉得几舒服，虽然平时接触唔多；苏兰～～虽然而家好少接触，但系因为佢我学到好多野；恐龙～～发现佢真系好搞笑，同佢相处会觉得好轻松；嘉雯～～一个超级文静嘎女仔，同佢相处要变得好正经；change～～超级猛人一个，同佢无所不谈@@ 当然仲有一班平时虽然接触唔多，但系好好感情嘎朋友：毛强，阿伯，老贼，邱，狗铭，宗明，聪，gb，dj，黑猪，猪头凌等等…………如果漏咗边位，大人有大量唔好见怪啊^_^
今晚就出发去海南啦，wish自己旅途愉快啦～～～
而家系下午19：01，黎出发仲有大概一个钟，拿拿林上黎更新下先^_^
每次旅游心情都好兴奋，不过执野真系好好……好麻烦，成日惊带漏野，希望今次无啦
终于翻到广州，旅游果然系贴钱买难受，之不过同一班好fd嘎人一齐，无论做乜野都会好开心～～～
继续讲翻生日，少咗嘎惊喜更多嘎系感动。正如我当时所讲嘎“咁大个仔第一次咁多人同我过生日”，真系非常感动，尤其系有一班咁好嘎fds，特别鸣谢阿政嘎蛋糕，个蛋糕唔系一般嘎大～～～发现语言真系好狭隘，完全揾唔到乜野词可以多谢阿政，多谢呢班好朋友………………记得上大学之前，个个都话大学嘎人思想比中学复杂，感情唔会有中学嘎咁好；但系系我心目中，呢班人系最够朋友，感情最好嘎（当然呢个系从整体黎讲拉，个别嘎上面已经点过名拉^_^，大家醒定D啊！！）。真系塞翁失马，失去咗一段感情竟然换来一班咁好嘎朋友；敬告各位在拖人事，唔好将所有摆晒系另一半身上，因为友情一样需要用心去经营^_^。其实一直都觉得自己大学好似无学到乜野，最大嘎收获就是识到呢班fds，已经好足够了，真系无怨无悔^_^！
好啦，唔讲肉麻野，呢D野大家心照……^_^
THE END April 30 自己真系好懒……已经好耐都无上过黎写野，原因？姑且可以话未揾到合适嘎代理挂，因为scut上msn要用代理，超级麻烦，或者咁样间接俾咗我一个少上黎嘎借口挂～～～
最近过得点？无穿无烂咁拉，不过3冠王嘎梦想已经破灭咗，系全场二十几脚射门却一球都入唔到嘎情况下，终于输咗俾师弟（讲真果句，输得好唔抵，不过足球始终都系圆嘎，呢个世界无话实赢，我地都睇得好开），我自己都射咗7、8脚……不过讲翻转头，真系好多谢呢班踢波嘎队友，因为佢地我真系享受到快乐足球，同佢地踢波经常有讲有笑，谈笑用兵；因为佢地，我尝试过2夺冠军嘎滋味，而且四年都可以杀入四强，满足晒我嘎虚荣心（当然我觉得罗到成绩固然开心，但系我最开心嘎系可以同佢地一齐踢波，就系咁简单，不过我林以后都无乜机会成班一齐咁开开心心踢波，而且我担心以后都好难会揾到一班咁好嘎队友）我林呢D野系佢地面前我一定唔会讲，因为大家都一齐咁耐，好多野心照，尤其系男人嘎世界。觉得自己真系好好彩，因为足球识到一班好好嘎朋友，包括初中、高中、大学阶段，自己觉得最可以交心嘎朋友之中大部分都系呢班人（之所以大部分，我生活圈子唔系只系得足球嘎@@）（不包括女性啊@@）。
好啦，咁肉麻嘎野都系唔好讲咁多～～～
最近大家都系度忙紧毕业论文，但系自己好似一D都唔紧张，自己都唔明点解…………但系我好清楚，如果再唔写嘎话，未来嘎三年将会系导师歧视嘎眼光之下生活，所以无论如何都要创作一篇论文出黎……不过真系无乜心情，可能系因为而家无乜人生目标，所以仲系度原地徘徊紧（原地又点叫徘徊？？）一直以黎，我自己嘎目标都好明确，好少有迷茫嘎时候，但系今次真系觉得无晒方向，或者呢D就系失恋嘎后遗症挂，今时今日我自问感情嘎创伤已经无乜大碍，但系原来影响唔单单系感情方面，发现原来为咗抚平呢个伤口，生活上已经将自己放逐到一个唔清楚嘎地方，揾唔到出口，而家可以做嘎，就系好努力咁寻找自己嘎下一个目标，事业或者感情，因为我发觉已经基本丧失前进嘎动力，每次林起如果咁样落去嘎话，未来嘎三年我将会靠食本科呢几年时间存下嘎老本，就会有好深嘎悔疚，真系要快D走出呢个瓶颈！！！！
写住咁多先，下次再写都唔知系咩时候，希望到时我已经揾到自己嘎目标拉@@ April 21 比较打击……今日惯常去Astrology版溜达咗一下，睇到D比较打击嘎野～～～
金牛座的男生如果找到一个深爱的人，这对金牛座而言是一个非常大的福气，因为
很多金牛座终其一生常常不清楚自己到底爱不爱对方，然后也不确定能不能把心交付到 对方身上，因此一旦他找到了真爱，他会非常的珍惜，金牛男认为做比说更重要，虽然 口头上不会表达，但是他的真心是不用怀疑的。 你很清楚什么应该做、什么不应该做。性格开朗又好
交际。对于你，寻找一个你爱的人不是一件容易的事，但当你找到你
爱的人以后，你绝不轻易变心。
怪唔知得食咁耐斋啦～～～～！！ @_@ April 10 恐怖！今日训醒，得知下午同校女足踢波，个心不知几兴奋，记忆中已经好耐无一次过见到过咁多女人，尽管D女人可能不怎么似女人……于是我晨咁早就去到运动场，林住饱餐一顿秀色，点知见到嘎系一班着得比我仲man嘎姑且可以称其系度踢紧波嘎头发比我长小小嘎“男人”，加上佢地大部分都戴住顶帽，唔清楚嘎仲以为个个都系守门添^^
其实今日嘎重点唔系呢度，因为最尾根本就无同佢地踢到……不过我入题不溜比较慢，讲多咗少少。因为晨咁早去到，等咗几耐自己跟本无乜概念，只系知道好耐。最尾俾我等到嘎居然系今日唔踢住，真系无晒意见，加上发现而家嘎后生仔真系无乜时间观念，约好4：30成5点先到，条气梗系好唔顺……『又试偏咗题添……』
讲翻正题，踢踢下突然发现天旋地转，仲要眼冒金星，经验话俾我知我就快会晕低，于是拿拿声系隔离坐低，岩岩一坐低，双眼就发黑，好勉强咁先可以控制住唔晕低，心林好彩坐得快，如果唔系就真系come计咯。好唔明点解身体真系差得咁犀利，我只不过系中午无食饭姐，都唔洗咁对我架，真系岁月不饶人，不过其实林落好似从上个礼拜五开始我一日静系食得一餐，血糖过低都唔出奇，睇黎都系要加翻餐先得……
不过林落，好彩今日无同女足踢到，如果当场晕低真系乜face都无晒，庆幸！！ April 04 我嘎成分^^岩岩路过人地嘎blog
无啦啦发现咗自己嘎成分^^不过系人地讲嘎：
中文名：
英文名1： 英文名2：
|
|
||||
|
|
